بقلم/ ميرفت قاسم
فاكرين فيلم بائعة الخبز للفنانة العظيمة أمينة رزق الخبز المصرى يتصدر الترند أصل كلمة الخبز لاتيني لكنه له مسميات كتيرة عندنا أسمه عيش عندنا بنقول ناكل لقمة عيش بمعني أن أى حد عايز يلتحق بشغل أو وظيفة يقول فيها لقمة عيش الكلمة عندنا اخدت معني الحياة
الحقيقة المسميات كتيرة
القمح عندنا لما بنطحنه يسمي طحين ولو تم دق القمح يبقي دقيق ولو اختلط بماء أصبح عجين دا رغيف العيش فى أمريكا بعض المتاجر عرضوا العيش المصرى بتاعنا خبيز عادى زى ما بنعمله ونال قبول الكثيرين حتى أنه تفوق على الكرواسون
الشباب عندنا فى شركة قاموا بخبز العيش الأسمر بتاعنا وجمدوه وقاموا بتصديره
الخبز المصرى له تاريخ طويل منقوش على جدران المعابد حتى بعد فساد المخبوز أكتشف المصرى القديم أن عفن الخبز مفيد فى علاج الجروح ومنها تم استخراج البنسلين من عفن الخبز واستخدمه المصريين القدماء فى علاج الجروح قام المصريين بتدوين كل شئ على جدران المعابد كانت هناك رسومات ل افران مخروطية الشكل لصنع الخبز ومراحل الخبيز من عجن وفرد وتقطيع وتسوية كل ذالك تم نقشه على جدران المعابد حيث يوجد أيضا آثار لوجبة مكونة من الخبز ولحم فخد الثور وتين وعنب فى مقبرة سننموت مهندسة الملكة حتشبسوت ومن صمم لها معبد الدير البحري هذا الإفطار كان متواجد في المتحف البريطاني وهو حالياً في متحف الآثار الغذائي أما عن الأفران المخروطية فهى لا تزال تستعمل في صعيد مصر حتى وقتنا الحالي وعن أبرز الموقف اللي ظهر فيها دور الخبز المصرى كمنقذ لسد الجوع وقت الأزمات فى
سنة 1999 حدث زلزال في تركيا مصر ارسلت مساعدات إنسانية عاجلة لإنقاذ حياة الملايين من البطاطين والأدوية ومعدات للبحث عن ناجين وبجوار كل تلك المساعدات كان حاضر وبقوة الرغيف المصرى فى مناطق الزلزال بتركيا
عندنا فى مصر الرغيف المصرى أو العيش كما يحب البعض أن يطلق عليه هذا الإسم العيش هو دليل الصدق والأمانة بمعني عند حدوث أي مشكلة عشان الناس تهدى الأمور يقوله يا راجل دا انتو واكلين عيش وملح مع بعض ميصحش كده والعيش والملح اللي بينكم لازم تتصافوا ولو حصل غدر بين البعض يقوله يخونك العيش والملح اللي بينا الخبز المصرى نال إهتمام الحكام على مر العصور منذ عهد
الوالي محمد على حتى وقتنا الحالي كان محمد على من المهتمين بالخبز وشدد على خروج الرغيف المصرى بأحسن حال كان يراقب طائفة الخبازين والشخص المخالف للتعليمات سواء من حيث وزن الرغيف أو التلاعب في حصة الفرن وبيعها كان يجلد بالكرباج 200 جلده ويقوم
بغلق الفرن
الرغيف والخبز المصرى له ذكريات سعيدة عند الكثيرين خاصة أهالي الريف
تعرفوا أن يوم الخبيز فى مصر خاصة في الريف بيكون يوم عيد ليه بقا لأن بعد الخبيز بيعملوا للأطفال قبورى ودا رغيف بالسمن والسكر ويعملوا الغدا اللي عادة بيكون صينة بطاطس فى الفرن ورز معمر غير التحلية المتمثلة فى البطاطا والذرة وكيكة ذرة بالعسل الاسود غير القرص عندنا في مصر انواع كتيرة من الخبز منها
البلدى العيش الشمسي المرحرح البتاو الملدن كل ده أنواع العيش عندنا دا غير فى عيش معين ل الفتة ده من اختصاص أهالي النوبة
فى الريف لما كانوا يعملوا سندوتش يقوله أعمله تطبيقة بمعني يطبق الرغيف يلفه زى صابع الفينو أو سندوتش يقسم الرغيف نصين في كمان العيش البتاو المصنوع من دقيق الذرة ودا مفيد جدا لمرضي السكر و الكولسترول الخبز المصري أو العيش كان له نصيب من الأغاني فى أغنية ليلي مراد والعيش والملح وعشرتنا ماتهونش علينا محبتنا كمان فى فيلم ل سعد عبد الوهاب أسمه حارة العيش والملح
برغيف عيش بسيط مصنوع من دقيق وخميرة وماء وملح قدرنا نهزم الكرواسون والباتيه والباجيت
الخبز المصرى رقم واحد في مواجهة الباجيت والكرواسون
