بقلم: ميرفت قاسم
إيه يا جماعة حكاية بيجامات الساحل دى
البيجامة اللي إحنا نعرفها كانت من الكاستور وكان القماش بيصرف على بطاقة التموين أيام الزعيم الراحل جمال عبد الناصر ضمن المخصصات التموينية وآباء وجدود لهم ذكريات مع البيجاما الكاستور وأحياناً الجلابية والطاقية من نفس نوع القماش كما شاهدنا جميعاً في أقلامنا القديمة افتكروا مشهد حسين رياض بالجلبية الكاستور والطاقية
البيجامات الأشهر على مستوى العالم هى البيجامات الكاستور اللي رجعنا بها الأسرى الإسرائيليين بعد انتصارنا فى أكتوبر 1973
هى ده البيجامات اللي نعرفها
لما تروح تصيف بقي يا تكون قد الهدوم هيتعيش عريان وسط الهدوم
لاحظت مؤخرا فى هايسندا ومراسي موضة غريبة منتشرة بين الرجال نوع كده من الببجامات المزركشة والمنقوشة أصفر أحمر أخضر الوان الطيف كلها والمصيبة أن رجاله كتير لبست الببجامات ده ونزلوا يسهروا ويتصورا بيها وهما لابسين أكسسورات لولي والماظ ما بين حلق وعقد وأغلب الببجامات من تصميم فيرساتشي و كوكو شانيل وكالفن وجورجيو أرماني أنا آخر علمي أن البيجامة ده عشان النوم مش للخروج في الحفلات ولا السهر على البحر زمان لما كان يطب علينا ضيوف واحنا لابسين بيجامة نقوم نجرى ونلبس ملابس خروج الوقت الحال أتغير لبس النوم بقي للخروج فى شئ أسمه ذوق فى ملابس الصباح وبعد الضهر فى لبس للنادى والسهرة وكل واحد وذوقه واللي أتربي عليه مش معنى وجود موضة معينة أننا لازم نمشي معاها مش أى موضة تنفع لمجتمعنا اللي ممكن يكون فى المجتمعات الغربية عادى عندنا إحنا ممكن جدا لا يتناسب مع عادات المجتمع الشرقي يعني لما ظهر الكارديجان وهو عامل زى الروب فى ناس أعجبت به وتعاملت معه عادى وناس تانية زى حالاتي كده مش معجبة به خاصة النوع المعمول من الدانتيل يعني الواحدة تمشي في الشارع يا جماعة لابسة فستان دانتيلا اكمامه شفافة وتقولي كارديجان دا قميص نوم ولا البسه ستان مزركش وفى النهار وتقولي موضة هو فى إيه لبس أوضة النوم بقي لبس الشارع إيه اللي حصل فى الدنيا وايه الطفرة العالية جدا دى فى أسعار الملابس لما محل فى هايسندا عارض شورت وقميص ب 92 الف وطقم تاني ب 72 الف ليه
نوع الشورت ايه دا أفخم انواع الشورتات مش بالتمن المبالغ فيه ده
ده لو vilebrequin ولأ جورتس مش هيكون كده دا شئ مبالغ فى جدا
الساحل السنة ده فاق كل التوقعات لو بتحاولوا تقليد الغرب ده مجتمعات تانية لها عاداتها وتقاليدها المختلفة عن مجتمعنا
الإستعداد للمصيف زمان كان غير كده خالص لما نجي نسافر من كتر الفرحة محدش بينام خدنا إجازة بقى ومفيش دراسة نجرى نحضر الشنطة محتويات الشنطة بتاع السفر للمصيف زمان ممكن جدا الوقت تكون محل سخرية من بتوع الساحل يعني مثلاً كان لازم يكون معنا دواء المغص الصداع وبكره خيط وابرة وأدوات خاصة بالنضافة الشخصية فرشاة الشعر الأسنان كريمات غير تجهيزات المطبخ من أطباق ورق أو بلاستيك وشوك ومعالق وسكاكين غير أشياء كتير شخصية مزيل عرق شامبو طاقية بحر كريم واقي من الشمس سيشوار اكسسورات غير ادوات للتسلية كوتشينه دومينو شطرنج
حالياً ممكن تسافر بشورت بس أنت مش محتاج تلبس حاجة موضة بقي وساحل ولازم نقلد المجتمعات الغربية وخلاص حتى لو الراجل لبس ملابس حريمي ولبس حلق وعقد دا غير اللي بيعمل ديل حصان واللي يعمل شعره كعكة تبادل الأدوار بين الرجل والمرأة مخالف للطبيعة البشرية كل جنس وله صفاته اللي خلقه بيها ربنا
العلاقة بين الطرفين تكاملية كل واحد بيكمل التاني
الست لازم تكون أنثى بمعنى الكلمة والراجل لازم يكون سند وضهر عشان الكون يعمر لكن تبادل الأدوار ظلم للطرفين وهدم للمجتمع
إستقيموا يرحمكم الله
ستضيع الأجيال
