بقلم: ميرفت قاسم
تعرفوا أن مؤاخر الأبحاث أثبتت أن جدودنا كانوا بياكلوا اكل صحي مليون فى الميه عشان كده كانت صحتهم ماشاء الله تمام ومفيش اى شكوى من أمراض ولأ يعرفوا يعني ايه دكاترة ولأ علاج لا عمر حد اشتكي من ضغط ولأ سكر ولأ سمنه
كان بداية اليوم طبق المدمس بالزيت والليمون والملح والكمون واللي مصر كلها اتربيت عليه سواء شراء من الخارج أو تدميس فى البيت زى جداتنا ما كانوا بيعملوا يعني صحة ونضافة كلنا طبعا عارفين أن الفول بروتين نباتي وأنه من العناصر الأساسية المفيدة للجسم حتي الألياف اللي فى قشرته مفيدة ومفيش لها أى تأثير على مستوي السكر في الدم غير أنه بيعطي احساس بالشبع لوقت طويل جدا جرب كده تفطر فول بالزيت والليمون والكمون والملح طبعا وعليه طماطم مقطعه وشوية مخلل وطعمية بالسمسم وأخرج لشغلك وقضي مشاوير اليوم بطوله ولأ هتحس باى جوع يوم تاني أفطر سموثي البروتين وده بقا سبانخ على زبادى يوناني ومكسرات ولأ صلصات على دوناتس ووافل وبان كيك وعصائر محفوظة وأخرج لشغلك وقضي مشاوير هيجيلك هبوط آه والله مش هتقدر تكمل باقي اليوم جدودنا
كانوا كمان بيفطروا جبن قريش ويشربوا لبن كامل الدسم واللي أثبتت الأبحاث مؤاخر أن اللبن كامل الدسم بيقلل من الإصابة بمرض السكري من الدرجة الثانية ويقلل من الإصابة بانسداد شرايين الدماغ غير الجبن القريش بالملح القليل بتحمي من الإصابة بالضغط يعني طبق جبنه بزيت الزيتون وعليه طماطم وخيار وفلفل اخضر احلي طبق مشهيات مع الفول والطعمية احلي فطار صحي
المش كمان كان أساسي فى الفطار غير الرايب اللي كان بيعالج حموضة وحرقان المعدة كانوا كمان بيعملوا الزبادي في البيت الجبنة كمان كانت بتتعمل فى البيت المنفحة اللي بتتعمل منها الجبنه مفيدة جدا للمعدة والأمعاء وتقلل فرصة الإصابة بمرض السكر أما عن الواجبات الأساسية كالغذاء أهالينا
كانوا بيطبخوها فى البيت كان طعامهم بالسمن البلدي اللي كان بيتعمل في البيت من لبن البقر يعملوا سمن وجبنه قريش ومش وقشطة ومواخر كل الأبحاث أثبتت أن السمن البلدى بريء من تهمة الإصابة بأمراض القلب وأنه أفضل من السمن الصناعي والمصنع من الزيوت المهدرجة
حتى الزيتون بيخللوه في البيت بنفسهم شوية جزر على فلفل ولمون وعصفر وحبه البركه وتاكلوا احلي زيتون اما عن الزيوت كارثة العصر الحديث كان جدودنا بيستخدموا زيت الزيتون وزيت بذرة القطن والزيت الحار ودا لأنهم مفيدين صحيا فمثلا زيت الزيتون بيرفع مستوي الكوليسترول المفيد ويخفض مستوي الكوليسترول الضار اما العيش بقا مفيش احلي ولأ اطعم من العيش بتاعنا الخبز الأسمر بالردة افضل خبز صحي على مستوى العالم المصنوع من القمح والذرة خبز صحي بيحافظ على مستوى السكر في الدم مفيد جدا لمرضي السكر عكس العيش الفينو والباتية وغيره من أنواع المخبوزات وخد عندك بقا احلي تشكيلة خضار جنب الفطار طماطم وخيار وفلفل اخضر وبصل اخضر وفجل وجرجير وجزر كل الخضروات ده بتحمي من سرطان القولون وبتمنع الإمساك وتبطئ إمتصاص السكر من الأمعاء جدودنا
كانوا يأكلون اللحوم ولكن باعتدال كان نصيب كل فرد قطعة واحدة حديثا الدراسات أثبتت أن تناول اللحوم الحمراء بكثرة يسبب الكثير من الأمراض مثل النقرص وغيره من الأمراض كانوا يفضلون الطيور والأرانب والبيض والأسماك كلها مصادر جيدة للبروتينات الحيوانية فالبيض مصدر هام للبروتين والكوليسترول في صفار البيض سئ الامتصاص لا يوثر على الكوليسترول في الدم والاسماك هى أفضل البروتينات على الإطلاق.
كانوا يأكلون كل أنواع الخضار والبقوليات اللي بيزرعوها الفاصوليا والكوسة والباذنجان والبسلة واللوبيا والملوخية وكلها مصادر بروتين ونشويات ولا يوثر على مستوى السكر في الدم
كانوا يأكلون الفواكة الموجودة في الموسم بعد الغذاء أو فى العشاء بديل خفيف للعشاء أو بجوار قطعة جبنه قريش وبيض كانوا يشربون الشاي أو القهوة التركي باعتدال
كانوا يشربون الماء فقط كانوا بعيدين كل البعد عن المشروبات الغازية لم يعرفوها مطلقا ولا العصائر المحفوظة والتى تحتوى على كمية عالية من السكر واللي أثبتت الدراسات أنها سبب اساسي للسمنة ومرض السكري أما تسلية السهرات فكانت لب البطيخ والشمام واللب السوري
جدودنا لم يعرفوا الببروني والسلامي و السجق ولم يأكلوا البيتزا والشيبسي وأكياس الشيتوز وأصابع البسكويت والسوداني المغطاة بالشيكولاتة ولم يعرفوا التيك أواي
لماذا تركنا الأطعمة الصحية وتمسكنا بطعام الغرب الغير صحي واللي الغرب نفسه بدء فى التخلي عنه بعد اكتشاف مدى خطورته وأنه المسؤل عن الإصابة بأمراض القلب والضغط والسكر والكلي احنا علينا واجب و لكل واحد فينا دور بدءا من وزارة الصحة وتوعية بالطعام الصحي المناسب لأطفالنا لخلق جيل جديد صحته جيدة ثم دور الإعلام في التوعية بخطورة الواجبات السريعة على صحة الإنسان وانها مصدر أساسي للإصابة بأمراض القلب والضغط والسكر والكلي والسمنة وللشباب أيضا دور فى توعية الجيل الجديد بخطورة تناول الوجبات السريعة وضرورة العودة لاكل جدودنا
قال رسول الله ﷺ : ما ملأ آدمي وعاء شرا مِن بطن بحسب ابن آدم أكلات يقِمن صلبه فان كان لا محالة فثلث لِطعامه وَثلث لِشرابهِ وثلث لنفسه
هجرنا الطعام الصحي كي نصاب بأمراض العصر الحديث
حافظوا على صحة أولادكم واعرفوا انكم مسؤولين عن صحتهم أمام الله وأمام أنفسكم كل ست بيت هى وزيرة صحة البيت وأسرتها أمانة. بين أيديها حافظي على الأمانة واحمى ولادك وحافظي على صحتهم
