بقلم: ميرفت قاسم
المصريين مشهورين بشرب الشاى لكن يا ترى بدأنا معرفته ازاي و ازاي أصبح مشروب سائد بين الواجبات
البداية لما الزعيم أحمد عرابي ومحمود سامي البارودي تم نفيهم لجزيرة سيلان وقتها
أتعرف عرابي على السير تومان جونستون ليبتون واللي كان عنده مزارع شاى وقام بعزومة عرابي وأصدقائه لشرب الشاى معه والذى لم ينال إعجابه فى البداية ثم اعتاد على طعمه فقرر إرساله لأهله وأصدقائه لتجربته ليصبح الشاى هو مشروب المصريين المفضل بداية من عام 1905
المصريين أضافوا الكثير لمشروب الشاي فقاموا بوضع شوية لبن على الشاى وكانت النتيجة طعم جميل زاد الشاى حلاوة
تفنن المصريين فى صنع الشاي بلبن ليصنعوا منه انواع كثيرة مثل ميزة و ده اللبن في تلات أرباع الكوب
تاني نوع من الشاي أسمه شاى بربري و ده المياه متساوية مع اللبن فى المقدار
تالت نوع شاي بحليب منه فيه يعني أساسه لبن مع شوية شاى ناشف يغلوا معه
رابع نوع شاي كرك عليه زعفران وقرفة
عندنا أنواع تانيه كتير كمان زى شاى فريسكا وعلى الحطب و خمسينة وبوسته وطيارة وشاى حبر ودا بيكون تقيل أوي وفى بالقرنفل وشاى جنايني دا بقا اللي بالنعناع وفى شاى على ميه بيضة حتى الجرسون بينادى ويقول عندك واحد شاى على ميه بيضه أصفي من عين الكتكوت دلالة على نقاء الشاى دا كمان المصريين من كتر حبهم فى الشاى بدوا يدلعوا الشاى ويقولوا فى غزل فتلاقي اللي يقولك
تيجى نشرب سوا خمسينة شاى
وتشاركنى العمر الجاى
واللي يدلعه لما حد يسأله تشرب شاى بنعناع يقوله اومااااال إذا صنعت لي شاياً فنعنعه
لا خير في شاي بلا نعناع حتى شادية لما جت تغني للقهوة طلع لها الشاى يجى أبويا يقول فنجان قهوه أعمله شاى وأسقيه لأمي
كوباية الشاى بقت مزاج للمصريين المصدع يشرب شاى اللي عايز يركز فى مذكراته أو عنده شغل مهم يشرب شاى اللي بيفكر فى مشكلة وعايز يحلها يشرب شاى اللي عايز يروق على نفسه يعمل شاى ويقعد فى البلكونة ساعة عصارى مع أغنية لفيروز ويشرب شاى
المشروب السحري السائل الأحمر اللي دايما فى يد الصنايعية وهما بيخلصوا أى شغلانة فى يد أفراد الأسرة كلها وقت الفطار وبعد كل وجبة اللي كتير منا بيحب يشربة مع سندوتش فول او طعمية وبعد أى وجبة دسمة يقولك نحبس بشوية شاى وكأنه خايف على الأكلة
الحلوة أنها تجرى وعايز يحتفظ بها أطول وقت فيحبسها بالشاى
وممكن بتوع الريجيم يحبسوا بشاى اخضر
الشاى هو الإستراحة بين المسلسلات فى رمضان اى فقرة إعلانية المشاهد يهرب من ملل الإعلانات ويقوم يعمل شوية شاى يروق بها مزاجه
الشاى من المشروبات البسيطة اللي الكل أجمع عليها على كافة المستويات غني أو محدود الدخل الكل بيحب يشربه فى متناول اليد للجميع ومشروب فى كل الأحوال سواء
خفيف او تقيل المرة ده بلبن بعد شوية بنعناع
لو عطست او حسيت بشوية انفلونزا هتشربه بلمون لو راجع من شغلك مصدع أو قمت ناقص نوم أو عايز تركز في موضوع تشرب شاى مستعجل وأنت خارج مفيش وقت تفطر بتشرب شاى وبسكوت الشاى كمان دخل فى المناسبات الحزن والفرح خاصة في الريف يعني يقدم فى العزاء بجانب القهوة ويقدم كهدية مع سكر لو رايح تزور مريض
من زمان ومصر مشهورة بأجواد أنواع الشاى من أشهر أنواع الشاى عندنا زمان نوع أسمه الشيخ الشريب لصاحبه علوى الجزار شاى الشيخ الشريب كان منافس قوي لشاى زوزو
أما الشاى فى دبي فله وضع تاني
في دبي هناك مقهى يقدم شاي الكرك الذهبي كوب واحد تكلفته 1200 دولار بسبب أوراق الذهب المرشوشة على كوب الشاى والتى يمكن اكلها بيقوموا بتقديم الشاى مع قطعة كرواسون مرشوشة بالذهب وكوب من الفضة يسمح للزبون بالاحتفاظ به كتذكار من اجمل الأماكن فى قصر عابدين كشك الشاى
هو موجود ايضا في كل القصور الملكية تم بنائه تنفيذ لرغبة الخديو إسماعيل بعمل كشك الشاى فى كل القصور الملكية وأصبح جزء من الديكور ومن عادات وتقاليد الأسر الغنية وجود كشك الشاى فى القصر يوجد بجوار كشك الشاى فى عابدين حمامات سباحة وكشك الموسيقي
هناك أيضاً كشك الشاي مصنوع من الخشب في قصر الجزيره لكن للأسف الشديد سرعان ما تهدم هناك أيضاً كشك الشاي بحديقة الازبكيه
تم بنائه على ربوة عالية بحيث يتمكن الجالس من رؤية الأوبرا وهو جالس في مكانه كشك الشاي في حديقة الحيوان
بني المصممين النمساويين كشك الشاي أو جزيرة الشاى في حديقة الحيوان بالجيزة
الجزيره محاطة بماء عذب ويوجد بها بط تم إطلاق إسم جزيرة البط عليها لوجود البط
أما كشك الشاي في قصر المنتزه
بناه الخديوي عباس حلمي الثاني تم عمله على الطراز اليوناني
الشاى له مكانة خاصة عند المصريين فهو قاسم مشترك فى كل تفاصيل اليوم لم تستطيع القهوة ولا النسكافيه ولا الإسبريسو فى إحتلال ولو جزء بسيط من مكانه الشاى فهو لا يزال مزاج المصريين الأول رغم تعدد المشروبات
