ميرڤت قاسم تكتب: زفاف القرن الأسطوري

بقلم / ميرڤت قاسم

الملياردير جيف بيزوس مؤسس أمازون عقد قرانه على الإعلامية الأمريكية لورين سانشيز فى أجمل مكان فى العالم فى المدينة الإيطاليه الساحرة  البندقية تم تجهيز فنادق فاخرة لاستقبال الضيوف وتم إتخاذ إجراءات أمنية مشددة لحماية الحفل من فضول الصحافة كما تم غلق المجال الجوي فوق المدينة كإجراء احتياطي للأمان فقط

تم السماح للطائرات الهليكوبتر بالطيران ولنقل الضيوف تم إتخاذ هذا القرار لاحتمال حضور رؤوساء دول ثم نقل الضيوف أيضاً عن طريق البحر حيث وجد الأسطول البحري وثلاثين قارب فخم منهم يخت بيزوس والذى يقدر  ب 500 مليون دولار

كل دا والعريس والعروسة سبق لهم الزواج فرق كبير بين المواطن العربي والأجنبي عندنا المطلقة حقها ضايع ولا كأنها بنى آدم بيحس ويتألم مطلقة لو جربت حظها تاني عمرها ما تاخد حد من سنها لم يسبق له الزواج لا تتجوز يا أرمل ومعه اولاد يا مطلق وكأنها لا تملك حق فى الحياة مرة أخري سانشيز مطلقة واتعملها حفل زفاف اسطوري أما عن الهدايا كانت من ماركات عالمية زى Laguna B والتى اشتركت فى تصميم الهدايا للضيوف

وعن خاتم الخطوبة فهو خاتم الماس وردى بقصه الوسادة وزن 30 قيراط ب اتنين ونص مليون دولار وخاتم الزواج الماس أبيض بفص بيضاوي 40 قيراط ب 4 مليون دولار خليها تفرح شوية تاني يوم هتقلعي الشبكة وتبيعيها يا شابة

على فكرة بيزوس مش ناسي تحكمات أمك وإصرارها على أنه هو اللي عليه المطبخ والسجاد ولا لما امك أصرت تاخد كرتونة التلاجة وامه كانت عايزها على فكرة يا عم بيزوس 

إحنا كمان عندنا بيصمموا هدايا فخمة من الدهب مش ماركات عالميه لكنها هدايا برضوا والبسطاء بيكتفوا بحفل زفاف عادي خالي من الهدايا ولو فكروا في هدية بتكون شئ مفيد للعروسين فى تجهيز شقتهم شئ ناقص لم يستطيعوا شرائه مثلاً وممكن الهدية تكون بعد الزفاف وفى الحالة ده أسمها نقطة مبلغ مالي ينفعهم لشراء شئ ينقصهم فى حفل زفاف بيزوس تم تقديم الحلويات من أقدم محل فى المدينة من مخبز روزا سالفا واللي عمل 200 حقيبه هدايا الله.

فكرتني عندنا البوفيه يفتح من هنا وكل واحدة من الستات الأواريب تقولك انا مختش جاتوة أقولها يا طنط ترابيزة حضرتك نزل لها جاتوة تقولي أطفحه يا بنتي ولو نزلت بعينك تحت التربيزة تلاقي العلب الفاضية غير المدعوين اللي أول الفيديو ما يدور عليهم فى الحفلة يلحقوا بسرعة وياكلوا بطريقة شيك غير خناقة أهل العريس والعروسة على مين أخد شيكولاته ومين مخدش ماشين بمبدأ إن جالك الأعمى خد غداه دا طبعا نموذج موجود في حفلات الزفاف عندنا والأكيد إن مش كل الناس كده أما المشرفين على الحفل بيزوس فكانوا الثنائي الشهير لانزا وباوتشينا اللي نظموا حفل زفاف جورج وأمل كلوني واللي قاموا بتحويل القناة الكبرى في البندقية لسجادة حمراء لاستقبال الضيوف 

كانت دعوة الحفل مفاجئة بحد ذاتها، إذ طُبعت بخط يدوي مائل وزينت برموز شاعرية كما أُرفقت الدعوة بطبق خزفي وشعار ديور واحتوت على طلب واضح بعدم تقديم الهدايا مقابل تشجيع التبرّع لمؤسسات ثقافية وبيئية محلية 

تكلفة الزفاف ملايين الدولارات 

العروسان وصلا بمروحية وأقاموا بفندق فاخر يطل على القناة الكبرى في البندقية ثم انتقلا بالقارب إلى مادونا ديل اورتا أما عن كعكة الزفاف ب 20 مليون دولار ودا شئ عجيب يا تري اتعملت ببيض نعام ولأ بيض ديناصور مع ميكس لبن العصفور 

    أما فستان الزفاف فقد حرصت سانشيز على جعله في طيّ الكتمان إذ قررت سانشيز عدم كشف تفاصيله قبل الحفل. لكنها من المعروفات بولائها لدار Dolce & Gabbana مع ترجيحات بأن يكون من تصميم Oscar de la Renta خاصة بعد أن تألقت سابقًا بفستان من الدار في ظهورها العلني الأول مع بيزوس عام 2024

التخطيط لفستان زفافها من دار دولتشي آند غابانا بدء قبل عام ونصف خلال تناول العشاء مع المصمم دومينيكو دولتشي في نيويورك وكانت النتيجة فستان بلمسة درامية أنيقة يتميّز بقصة عالية الياقة ومزين بـ180 زرا مغطى بشيفون الحرير إضافة إلى طرحة من التول والدانتيل استوحتها من إطلالة النجمة صوفيا لورين في فيلم Houseboat عام 1958

تقول سانشيز بيزوس في البداية كنت أخطط لفستان بسيط وعصري وجذاب بعدها فكرت وقلت لابد من شيئ يعبر عن اللحظة ويناسب وضعي الجديد يمكن يكون عكس توقعات الناس لكنه مناسب ليا استغرق العمل فى فستان الزفاف 900 ساعة 

قام الشيف فابريزيو ميلينو الحائز على نجمة ميشلان بتحضير عشاء الزفاف بينما صنع الكعكة شيف الحلوى الفرنسي سيدريك غروليه، حسب صحيفة كورييري ديلا سيرا قام بتجهيز تورتة الزفاف 

اما عن الحضور فقد تم استقبالهم فى قصور فخمة وملكية تكلفة الليلة بها من 3000 إلى 10000 يورو في اليوم وعن المدينة المضيفة لحفل الزفاف فهى مدينة مبنية على أعمدة من الخشب تحت البحر من الف سنة حضر الحفل إيفانكا ترامب و أوبرا وينفري ليوناردو دي كابريو ونجم كرة القدم الأمريكية توم برادي وبيل غيتس الملكة رانيا العبدالله و ولي العهد الاردني والاميرة رجوة  وكيم كارداشيان و آشهر مطرب امريكي واورلاندو بلوم ممثل بريطاني 

بدات المراسم بأغنية ل ماتيو بوتشيلي نجل مغني الأوبرا الشهير أندريا بوتشيلي . واختتم الزفاف بحفلة يوم السبت قامت بالغناء فيها ليدي غاغا 

يجي حد يقولي على إيه دا كله إيه يا عم بيزوس اللي خدته القرعه اقوله شوف واسمع 

بيزوس من أغني أغنياء العالم حيث يملك حوالي  265 مليار دولار 8 ,6% من شركة أمازون يعني 190 مليار دولار وشركة إستثمار خاصة استثمرت فى شركات 

Airbnb Uber و Washington post و Blue Origing وهو مشروع الفضاء الخاص به والمنافس لإيلون ماسك

غير عقارات وأراضي تصل ل 420000 فدان مثل مساحة مدينة لوس أنجلوس ويصنف بيزوس ضمن أكبر مالكي العقارات حيث يمتلك قصر فى بيفرلي هيلز ب 165 مليون دولار ومجمع فى جزيرة هاواي ب 78 مليون دولار وتلات عقارات فى ميامي 234 مليون دولار

ويخت فاخر طوله 127 متر ب 500 مليون دولار يرافقة يخت إضافي ب 75 مليون دولار للاحتياط غير طائرتين من نوع واحدة ب 50 وواحدة بـ 75 مليون دولار

شوفت بقا اللي خدته القرعة قد إيه 

ألف مبروك للعروسين 

لا ألف ايه مليار مبروك للعروسين