بقلم: ميرفت قاسم
فاكرين فيلم عبد الحليم لما طلب من فاتن حمامة بكل جرأة أنها تقابله
زمان دا كان شئ غريب منتهي الجراءة منه طلب أنه يقابلها أفلام كتيرة جداً كان أغلب قصصها حب بين البطل والبطلة سعاد حسني فى السفيرة عزيزة كانت مستغربة وخائفة لما قالها نتقابل زبيدة ثروت فى فيلم عاشت للحب لما قابلت كمال الشناوي الدكتور اللي كان ساكن عندهم كانت خايفة أيامنا ده هى الأغرب ظهرت فيها عادات غريبة عن مجتمعنا تطبيق على النت بينظم مواعيد بين الطرفين بغرض الإرتباط يعرفوا بعض من على النت يتقابلوا بعدها حصل تفاهم يرتبطوا محصلش يفركشوا دا أسمه ديت مع دوبامين يعني إيه
ديت مع دوبامين
أو الديت أون لاين مؤخراً حياتنا أصبحت تمارس من وراء شاشة زجاجية بضغطة بأصابعك تتكلم تتناقش تتعصب تكرة تحب كله من خلف شاشة زجاجية زمان كانت الناس عارفة يعني إيه الحب هو أرقي المعاني الإنسانية فى الدنيا شعور حلو ينقلك لعالم تاني تسرح بخيالك مع أغنية حلوة لثومة حليم فيروز تتخيل لما ترتبط بالشخص اللي بتحبه حياتكم هتكون ازاي هى فى إنتظار أنك تخلص الجيش وتيجي تتقدم لخطوبتها هو مكتفي بأنه يلمحها وهى خارجة مع مامتها أو وهى بتسقي الزرع فى البلكونة كان أكتر لقاء ممكن يحصل بينهم هو حضورها خطوبة أخته أو عيد ميلادها ودا لأنهم جيران
اغلب الزيجات الناجحة في الزمن الجميل كانت خالية من البدع اللي ظهرت على أيامنا كان التعارف بيتم طبعا لكن في نطاق العيلة صديق للأسرة بيكلم إبنه يقوله عندى لك عروسة طيبة مؤدبة بنت حلال وتربية أيدى مين يا بابا نادية بنت عمك محيى صديقي وبكلمات رقيقه ومهذبة يتم اللقاء بين العيلتين وتبدأ كل عيلة فى تجهيز نفسها لحفل خطوبة ثم زفاف وعادة بيكون فى البيت أو فوق سطوح البيت بدون بهرجة وتكاليف ملهاش لزوم دا جواز صالونات وغالبا كان كل الجواز زمان صالونات لكن برضوا كان فى جواز عن حب فجأة الزمن اتغير تلاقي بنت خارجة مع شاب المعرفة بينهم تمت من على مواقع التواصل الاجتماعي وتم الإتفاق بينهم أنهم يتقابلوا فى ميعاد غرامي زى الماكينة بدون إحساس ولا معرفة سابقة ولا مشاعر إنسانية تربطهم ببعض يتقابلوا وإذا حدث بينهم دوبامين ودا شئ أول مره أسمع فيها عن الشئ دا اللي بيقولوا عليه أنه هرمون بيفرز مادة كيميائية تسبب السعادة يعني خرجت فى ديت قاموا بشوية نشاط وحركة جرى وأغاني ومرح عشان يفرزوا هرمون السعادة ودا شئ مصطنع خالي من الإحساس والأسم مواعده حديثة عبر الإنترنت
تيك تيك تيك مين الخاطبة
ده فوازير نيللي كانت عن فكرة يا بخت من وفق رأسين فى الحلال الموضوع أختلف تماما حالياً يعني بدل ما كنت بتخبط على باب الخاطبة تيك تيك تيك مين الخاطبة بقا تيك تيك مين دوبامين دول مين ودول مين دول ولاد وبنات حلوين عايزين يتجوزا بس بطريقه سي الشيخ دوبامين الهرموني العجيب
الإرتباط الأيام ده ظهرت فيه بدع كتيرة جدا أختلف كتير عن السنين اللي فاتت زمان كان بيمشي بطريقة سهلة وطبيعية خالية من البدع اتنين بينهم إعجاب متبادل يحصل ارتباط بين الطرفين وخطوبة بسيطة فى البيت هو أول واحد فى حياتها لا خرجت مع حد ولا عرفت حد قبله وهو بيحبها هى وبس حب رومانسي اللي احنا حاليا بنسخر منه لو حد حكي عن أنه بيحب تقوله آه وبتعد النجوم وسارح فى القمر وهيمان مع حليم وثومة ولا كأنه عمل جريمة طيب وماله لو عمل كل دا مش لازم عشان ترتبط تعمل قلبك اتوبيس مرسيدس خمسين راكب تنزل تقابل ده وده ليه اهالينا حبوا مرة واحدة وارتبطوا وعملوا أسرة ناجحة عشان هما عرفوا يعني إيه حب وزواج وحياة مشتركة بين الطرفين قايمة على الود والتفاهم مش حياة مفركشة كلها اختراعات وتقاليع واردة علينا من الخارج
الغاية من الزواج هي تكوين الأُسرة عقل بجانب عقل وقلب يخاف على قلب ويد ماسكة فى ايد تداوي وقت الوجع وروح تعين وتساند روح تانية ونفس تطمئن بوجود انيس وشريك حياة عمره ما يسيبك مهما كانت الصعاب اللي هتتعرضوا لها فى مشوار حياتكم
