بقلم: ميرفت قاسم
بابا عايز احضر ورقة السبلايز عشان خلاص المدرسة بكرة وانا أتاخرت عشان حضرتك مش فاضي
ورقة إيه يا سامح
السبلااااااايز
مش فاهم تقصد إيه يا بني كلمني يا حبيبي بلغة أعرفها الله يخرب بيت اليوم اللي قدمت لكم في فى مدارس إنترناشونال أقصد ورقة طلبات المدرسة يا بابا وليه بقي إسمها سبلايز الله يرحم أبوك و أمك كانوا بياكلوا الأستيكة أم ريحة قولي عايز إيه حاجات كتير أنا معايا أربع ورقات هار اسود يجوا يشوفوا الخلفة واللي بيخلفوها أسمع يا سي بابا dear parents البداية مش مريحة أصدمني على طول وسيبك من شغل الأونطة يعني إيه أونطة يا بابا ده يا حبيبي لما أمك تحب تضحك عليا عشان تشترى حاجة بتقعد تدلعني ما علينا إشجيني خير عايزين إيه من الأب العزيز يبيع كليته
بلاستيك بوكس بتاع إيه
بلاستيك ايرون
فهمني يا ابني ابوك ابتدائية قديمة أمك بقا عارفة يعني ايه ابرون ده ولأ زى حالاتي آخرها تعرف ووز و ووير سمعاك يا مصطفي أنا برضو أخري ووز ووير يقصد مريلة بتتلبس لما يدخلوا حصة الرسم والتلوين
سبورة بيضا صغيرة اشمعنى لييييييه هو أنت بتشتغل طالب ولا مدرس ناقص تقولي وطباشير يعني ايه طباشير يا بابا دا بقا يا حبيب ابوك صوابع بيضا حلوة كده بس مش صوابع زينب ده صوابع بيكتبوا بها على السبورة ولو الأستاذ ساب معاك العلبة بتاع الطباشير لتاني يوم كنت تحس كده أنك وزير التعليم فى زمانه لا يا بابا مش عايز طباشير إحنا عايزين وايت بورد.
إيه دا يا بني ؟
دا قلم يا بابا عشان السبورة البيضا تحتاج أقلام رقمية شكلي هقوم أرقعك قلمين أمشي من قدامي لا لسه باقي الطلبات هات الورقة رقم كام ده التالتة هات
10 اقلام للهبابة وايت بورد
20 فايل 5 ازرق و 5 بينك و 5 ليلاه و5 أرجواني بالراحة شوية عليا يا بني ونرجع خطوة لورا انا عايزة اعرف يعني ايه ليلاه فى الليلاه الزرقا ده يا بابا دا لون موڤ
الوان خشب تخينة و الوان خشب رفيعة و الوان مياه و الوان جواش عشان ايه كل دا هو انت ليوناردو دافينشي علبة صلصال ماركة play dough!!! بقولك ايه انا عندى واحد صاحبي من أسوان أقوله يبعت لنا شوية طينه أسواني من طمي النيل تلعب بها انت و اصحابك وسيبك من الصلصال الماركة دا ونعيش على قد الطين اللي نعرفه
5 بينسيل شاربار وده إيه كمان ماتقولوا برايا بكام ده كمان بص إحنا نوفر وتاخد موس الحلاقة بتاعي شغال برضوا مايقلش لا ويبقي الحمد لله وفرنا بند
5 اساتيك و مقصين و 3 اسكتشات رسم و علبة أقلام رصاص ماركةfaber Castell
مبروك يا أم الغلام إبنك داخل هندسة السنة مش قبول اعدادي
3 باكيتات مناديل عادية و 3 باكيتات ديتول ليه هى مدرسة ولأ مستشفي
معجون سنان و فرشاة سنان و فرشاة شعر و ملابس اكسترا
يا ام الغلام نسيوا يكتبوا كروكس ايه يا بني ده طلبات عريس
فرش الوان تخينة
فوم بجليتر
معقم لليدين ديتول تاني صبرني يا رب وانا مش لسه شايف وايبس مكتوب فى الورقة نمرة تلاتة الليلاه
60 ورقة بيضا
40 ورقة ملونة A4″
جلاد شفاف ايوا دا لعبتي بقا عندي جلاد من إعدادى محتفظ به لونه بنى وفي جلاد تاني الروقان بقا عليه قطة ملونة على الجلاد 3 شنط بسوستة ليه انت مسافر نسيت تكتب كام شورت بنتاكور على جبردين على جينز وتغني لهم حبيبي انت هنا فى الساحل بوستر كولورز
كونستركشن سكيتش يا ابني انا آخر طلبين مش داخلين دماغي بس أنا كده عرفت شكلهم خلاص هيدخلوك كليه الطب من ساعة ما قلت ديتول وأنا متفائل بس عشان خاطر أبوك الغلبان إسألهم بس القاهرة و لا عين شمس
بص أنا قدامي حل لكل مشاكلنا أنا هعملك مشروع مكتبة كده قد سمير و علي و هناكل من وراها الشهد وهنبقي مليونيرات من ورا أصحابك بتوع المدارس الإنترناشونال
