بقلم/ ميرڤت قاسم
كل سنه و أصدقائي و اخواتي و حبايبي المسيحين طيبين و بألف خير عيد سعيد عليكم بصوا بقا لو أى حد فيكم كاثوليكى يبقي
عيد غطاس سعيد عليكم أما بقا
لو كنتم اورثوذوكس
يبقي عيد ميلاد سعيد
لو أنتم الاتنين بقا فطرتوا يبقي فيها كلام تاني فين اللحمة بتاعتي
صحيح إحنا مش بنصوم معاكم بس ممكن نفطر معاكم عادي جداً أنا معايا العيش وانتوا عليكم اللحمة
كل سنة واحنا طيبين وأخوات وحبايب عايزة أتكلم معاكم شوية عن نجم الليلة الديك
صياح الديك
وكسبنا القضية نجاة الرومي بعد أن تقدم
بشكوى رسمية للجمعية الأمريكية لمنع القسوة على الحيوانات نجح الرومي في الإفلات من صينية بطاطس في الفرن كما نجا أيضا من الشواء المحاط بالجزر والبطاطس
كل عام يقوم رئيس أمريكا بالعفو عن الرومى فى 2017 عفا الرئيس دونالد ترامب بمناسبة عيد الشكر عن الديك الرومي “درمستيك” في احتفالية تمت بحديقة روز غاردن في البيت الأبيض وبحضور ميلانيا وابنهما بارون
درمستيك مولود في ولاية مينيسوتا جاب مجموع 60% لما الرئيس عمل استطلاع للرأي بشان العفو عنه 40 ألف صوت دخلوا يصوتوا ويلطموا بسبب ضياع صينية البطاطس وإفلات درميستيك في استطلاع على تويتر بشأن الديك الرومي الذي يريد المصوتون من ترامب أن يعفو عنه الديك اللي واسطة يعني الامريكاني الاصلي هيعفو عنه اما الخليط حلال عليه دخول الفرن مع جزر وفلفل وطماطم
ودا اللي حصل الديك النهارده
عيد الشكر هو مناسبة يحتفل بها الأمريكيون في الخميس الأخير من شهر نوفمبر من كل عام يجتمع أفراد العائلة و يتناولوا أطعمة مختلفة بينها الديك الرومي
وكل عام يقوم رئيس أمريكا بالعفو عن ديك
رومي أول من بدء تلك العادة هو جورج بوش الأب سنة 1989
الرومي المنبوذ فى تركيا أسمه ديك هندى فى روما أسمه دجاج فرنسي وفرنسا تقول عليه دجاج كوبي فى استراليا أسمه دجاج مغربي الكل متبري منه ليه معرفش
يقال الأوروبيين عنه الهندى بسبب التسمية الخطأ للسكان الامريكان على أنهم هنود
التركي أسمه تركي بسبب التجار الأتراك اللي ذهبوا بالتجارة ل أمريكا
عموماً المسميات مش مهمة المهم ناكل الديك بألف هنا على قلوب أصحابي وحبايبي المسيحين
مسيحين أكتر من 2000 سنة مسلمين أكتر من 1400سنة بس مصريين من أكتر من 7000 سنة كل سنة ومصر والمصريين بألف خير كل سنة وأنت طيب يا مصرى لا في مسلم ولا مسيحي كل سنة وانت طيب معايا كل سنة وأنا طيب بيك تحيا مصر
