اختيار إبراهيم الخليل للسيدة هاجر كان بسبب يعلمه الله عز وجل عندما تركها فى وادي قحل بدون ماء أو طعام وكان معها طفل رضيع
كان دا إختيار الله للمصرية المعروفة بصبرها وقوة تحملها المصرية أم سيدنا إسماعيل اللي ربنا عشان خاطرها حول الصحراء لأم القرى وربنا لأجل خاطرها عمل لها منسك من مناسك الحج الصفا والمروة
المصرية ملكة منذ فجر التاريخ قادت حروب وجلست على عروش المصرية الفرعونية بذوقها الراقي فى اختيار ملابسها واللي منقوش على جدران المعابد خير شاهد على أناقة وذوق المصرية واللي حالياً أفخم بيوت الأزياء فى العالم بيحاولوا تقليد ملابس المصرية بنقل التصميمات المنقوشة على جدران المعابد الفرعونية القديمة المصرية أول طبيبة فى التاريخ ميريت بتاح من الأسرة التالتة المصرية اول من استعملت أدوات الزينة حيث وجد فى مقبرة نفرتيتي بعد موت توت عنخ آمون بثلاثة آلاف وثلاثمائة سنة تم إكتشاف عطور طيبة فى قوارير مختومة عند فتح القبر انبعثت منه رائحة العطور المصرية هى أول من عرفت البادى ميست باختراع شئ مخروطي الشكل يوضع على رأسها يشبه الطواقي به مواد دهنية وعطر الورد عند تعرضها للشمس تنشر رائحته العطرة على الجسم كله هى من وضعت قناع عسل النحل مع البابونج لترطيب البشرة ووضعت البودرة على وجها من حجر التلك بعد طحنه وضعت الكحل بعد اختراعه من قشر اللوز وحرق بذور الكتان هى من عرفت طلاء الشفاة والاظافر باللون الأحمر من شحم الحيوانات مع بعض البنات المصرية هى مارية القبطية رضي الله عنها التى تزوجت خير خلق الله محمد عليه أفضل الصلاة والسلام وأنجبت له ولده إبراهيم المصرية حتشبسوت جلست على عرش الدولة المصرية 21 عام جعلت مصر خلال حكمها اجمل بلاد العالم ازدهرت البلاد إقتصاديا وعلى مستوي القيادة العسكرية كانت مصر أكبر قوة عسكرية فى المنطقه المصرية أم كلثوم أصبحت كوكب الشرق غنت للمحبين ولمصر وللنبي سافرت كل بلاد العالم لتجمع بصوتها الأموال للمجهود الحربي المصرية هى الأم اللي عمرها ما تغمض لها عين وانت تعبان هى اللي بتسهر جنبك وأنت بتذاكر هى اللي بتقلق على النتيجة أكتر منك وبتعيط لما تنجح هى الأرملة اللي بترفض تتجوز بعد وفاة زوجها وبتترمل على أولادها المصرية هى الطبيبة المهندسة المعلمة الصحفية والإعلامية
المصرية هى سارة حجي خريجه صيدلة وتكنولوجيا حيوية واللي فازت بجائزة ريشتسينهاين لأحسن بحث عن السرطان في ألمانيا هى عالمة الفضاء المصرية تهاني عامر فى ناسا خريجة كلية الهندسة واللي نالت ماجيستير فى هندسة الطيران المصرية هى الشابة الباحثة الهام فضالي اللي أخدت جائزة أحسن بحث في العالم عن نقل البيانات من خلال الضوء والمرشح لجائزة نوبل في الفيزياء هى الطفلة سوسن احمد 12 سنة الحاصلة على الزمالة فى العلوم البيولوجية من كلية براورد بفلوريدا بمعدل 4 نقاط وهى الدرجة الكاملة في الجامعة هى رانيا الغباشي زينه بنات مصر واللي نافست 1500 مهندسة على مستوى العالم و فازت بجائزة ستيفي فى الهندسه الميكانيكيه و تعمل في جنرال موتورز مصر فى عمل قطع غيار محليه للسيارات المصرية هى ست البيت الطيبة اللي بتقف رجل فى بيتها ورجل فى شغلها راجل بره بيتها وست الستات فى بيتها هى الأم والأخت والزوجة والبنت هى ستهم النموذج المشرف اللي كرمها الرئيس اللي لبست توب الرجال عشان تشتغل وتصرف على أولادها المصرية هى النص الحلو للدنيا
إلى كل سيدات وهوانم
آنسات عظيمات مصر ينحني العالم تقدير واحترام لكم انتم اختيار الله ماضيكم حضارة تسجلها أول صفحات التاريخ وعظمة حاضركم تبهج من ينظر اليكم ليجد المستقبل مشرق بوجودكم وبمشاركتكم فى كل مجالات الحياة
المصرية لا تمثلها الست بتاع الفسيح ولأ الطالبة اللي نجحت بخمسين فى الميه وطلعت ترقص وجالها مليون جنيه هدية على فشلها ولا هى الست المخيفة بتاع الأشباح ده بعفريتها ولا البنت بتاع الوكالة اللي فجأة ملكت شاطئ فى الساحل الشمالى ولا الرحال بتاعة شركة العقارات واللي ربنا يرحلهم من بلدنا عشان تنضف المصرية لا تمثلها النوعية دى
بتاع معامل بكتيريا والحاج ابراهيم الفسخاني اللي بتقول انها بتكسب 120 الف جنية فى اليوم دا على كده تحيا الفسيخ دا كلنا هنبيعه وسمعني احلي سلام سلام شم النسيم يا حاجة دا على أى أساس أنك ام حميدة سيدة البحار و احتكرتى سمك البحر الأحمر والأبيض والأسود والميت والصاحي كمان لحسابك إيه التهريج دا الناس ده ممولة ولها أجندة خارجية لبث الفوضي وإنعدام الأخلاق والقيم عشان شبابنا لما يشوفوا النماذج دى يحاولوا يقلدوها مستوي رخيص جدا فى الأداء لجني الأموال فسيخ إيه اللي يكسب كل دا دا اكله بتاع مرتين في السنة عيد الفطر وشم النسيم حاولوا تحترموا عقول الناس بتاع الفسيخ شدت وراها
ست تانية سوقية كانت بتخرج على الناس بمستوي غير لائق من الألفاظ البلدى وكيلت الاتهامات لرفيقة دربها بتاع الفسيح ايه المستوي المتدني دا اللي تجيب شوية مكياج مضروب تحت السلم واللي تجيب فسيخ واللي تيجي تتصدر لنا بجسمها فى الكاميرا تستعرض نفسها اسلوب رخيص اوى عشان تجمعوا فلوس خسارة فيكو الجنسية المصرية اتمني تتسحب منكم انتو عار على مصر
كل دا عشان خاطر عيون الدولارات والأسد الدهب طيب يا شملولة انتى وهى ابقوا كبسوا كبسوا عقبال ما البوليس يكبس على باقيتكم ونخلص من أشكالكم ده خليها تنضف والله
المجتمع دا عاوز يتقفل عليه، وياخد علقة ونبدأ من أول أركان الإسلام
لازم نعرف أن جودة الأمة من جودة نسائها
معا لغلق بلاعات التيك توك
