قناةالسويس قصة وطن وإرادة شعب

بقلم: احمد عبد الفتاح حافظ

قناةالسويس قصة وطن وإرادة شعب قديمه وجديدة حلم ووجع وقرار صعب
خلونا نفتكر ولا ننساش قرار ناصر في 26 يوليو 56بتأميم القناه
لاجل يمول مشروع السد لما البنك الدولي سحب قرضه ولغاه
قامت الدنيا ولا قعدتش تلاقي مسيو موليه في فرنسا اتكحول
ومستر إيدن في بريطانيا إتجنن مبقاش عارف يعمل ايه ياولداه

اعتدوا علينا بحجه انهم بيحرروا القناه من ايد ناصر بالغصب
أيام مجيدة اتكبت لينا في بورسعيد الجيش ومعاه الشعب
وقف ناصر فوق منبر الأزهر ورفض الاستسلام وقال سنقاتل
رغم الجيوش التلاته صمد الشعب باتحديهم وركب الصعب

وكان الانتصار وان كان سياسي أكبر من التدمير إللي طال الوطن
بس معدش لهم هيلمان ولاصولجان انتصر اللي علي شعبه ركن
فتحية للي امم واللي علي قرره صمم وتحية لكل من أدار القناه
تحية لستة رجال أداروا القناه
ليل ونهار من فرز مصر منتقاه
وقفوا رغم الحروب رغم الكروب
قاتلوا رغم النار وجاسوا الدروب
من أول بهجت يونس لمشهور لعادل لفاضل لمميش اللي فطن
يشق تاني جنب اقناة قناه جديدة بخطة فريدة تتمول بفلوس الناس
وتغيد تمن اني للمواطن روح الانتماء للوطن بالمشاركة وبالاحساس
تضييف للوطن بإرادة وعزيمة وللشعب قيمة وتيمة وزمن قياسي بسنة
واهي الدنيا مبهوره باللي داير وباللي صاير من الكراكه للفاس..

.وعجبي