كتبت: ميرڤت قاسم
وانت ايه يا بني اللي شعلقك فوق كده رايح الشغل رايح الشغل والكهربه انطفت
عملت ايه فينا الكهربة شعلقتنا بين السما والارض لا سيبت روكبنا لا اومال ايه غيرت عاداتنا
فى زمن انقطاع الكهرباء أجمل ماقيل فى الحب..لما تركبى الاسانسير طمنينى
قبل ايام بسيطة كان ركوب الاسانسير فسحة خاصة للبنات الصراحة انا كنت واحدة منهم يعني ايه اقولك يا سيدى صلي على رسول الله
لما اقوم من النوم متاخرة شوية اركب الاسانسير اظبط شعري ومكياچي دا فى رحلة الذهاب للعمل اما بقا فى الرجوع فحدث ولأ حرج اظبط شعري ومكياچي واخد سيلفي وانزله على الانيستجرام بعنوان العودة من العمل مرهقة
الموضوع طلع له جذور تاريخية بدليل فيلم لا انام فاكرين فاتن حمامة لما وقفت الاسانسير وظبطت مكياچها وفستانها وهى بتستعد لمقابلة عماد حمدى الوقت مبقاش وقت السلفي قبل الشغل تعملي بوز البطة وتكتبي يوم سعيد لكل استرونج اندبندنت
ومن وانتي اساسا عاملة الصورة بفلتر عشان تخبي الإرهاق اللي من كتر مسك الموبايل وعلى رأى امى لما بقولها عندى صداع قالت لي من كتر البص فى الزفت دا ولو انتي محجبة برضوا فرصة تظبطى الطرحة الوقت بقينا نخاف من ركوب الاسانسير وانقطاع الكهرباء خايفين نعيش بين السما والارض لايف مش فيلم
مشاكل كتير ممكن تحصل لو الكهربة انقطعت حدث ولأ حرج ليه كلية الهندسة متفكرش فى اختراع يسمح للاسانسير بتكملة صعوده بالنسبة ل اخر امر اخده أو حتى النزول الطابق الارضي
الاسانسير مبقاش وسيلة راحة بقا عقاب مبقاش فسحة للاطفال عشان يطلب من ماما يدوس على الزراير ولأ يحس أنه كبر وممكن ينزل في لوحده ولأ للبنات لاخد سيلفي وتظببط مكياجها وشعرها
جملة صحيحة مليون المئه احنا ماضينا اجمل من حاضرنا ليه كل المباني الحديثة لم تقم بالاستعانة بتصميمات مباني القاهرة الخديوية لو حد لسه مقيم في عمارة من الطراز القديم فى وسط البلد هيقولنا ازاي التصميم فى منتهي الابداع والتميز ومراعاة شروط الأمان
الاسانسير محاط بالحديد وباب زجاج يعني لو لا قدر الله شئ حصل زى انقطاع الكهرباء الناس هتكون موجودة في امان هتتنفس لو حد فاكر فيلم الباب المفتوح وشكل الاسانسير وليلي بتفتح الباب وتكلم حسين للاسف الوقت فى المباني الحديثة الاسانسير عبارة عن صندوق مغلق مرعب
وداعا لسيلفي بوز البطة ومرحبا لسيلفي طير يا حمام
