بقلم: ميرفت قاسم
هاااااي بيرو ازيك حبيبتي عاملة ايه أكيد مسحولة زى حالاتي والله لنا الجنة عملتي ايه قدمتي ل كارما بنتك في
ال Pre KG و اللا لسه
هاي يا قلبي. اه قدمت لها فى مدرسه خيال وهم مش قادرة أوصف لك كم المميزات اللي فيها مدرسة ايه يا بيرو قدمت لها فى BRITISH English Amazing International School
و أنتي قدمتي لبنتك سوزى فى ايه انا قلت هقدم لها في
American Fantastic Overseas School
ويا ترى عملتي انترفيو مع إدارة المدرسة عشان تعرفي مميزاتها ايه خدى بالك اوعي تتغرى بشكل المدرسة ودي تفوتني يا بيرو طبعا عرفت كل حاجة عن المدرسة دي كل المدرسين موليد نيويورك و اتربوا في واشنطن و طلعوا مع أوبرا وينفري فى برنامجها oprah winfrey show في البرنامج بتاعها يا بنتي دا هما اللي كانوا بيكتبوا الخطابات ل بيل كلينتون عشان اللكنه بتاعته مش قد كده دول متربيين علي الغالي مش بياكلوا غير كافيار ايراني وسوشي حتي البطاطس المقلية بيشتروها من مطعم serendipty ومش بياكلوا غير تشيكن أيام سيماني الكورن فليكس المستورد Kellogg’s مبياكلوش غيره
و ب skimmed milk …
طيب تمام احنا بقي عندنا في المدرسة المدرسين فيه منهم كانوا بيدرسوا للامير ويليام في قصر باكينجهام غير كمان ما كانوا بيعلموا الأميرة بياتريس بنت الأمير أندرو وحفيدة اليزابيث والأميرة يوجيني هما اللي صححوا الاكسنت عندها تعرفي أن نورهان حفيدة اختي عندها تلات سنين بقت تتكلم زى سوزي بنتي براڤو عليها انتى يا بيرو عندكم حد من المشاهير فى المدرسة عندنا سليم إبن المخرج هادى الباجوى وياسمين رئيس وزين الدين وعز الدين ولاد زينه وأحمد عز وبنات شيرين في المدرسة
و إحنا عندنا خديجة وجويرىة أحفاد غادة عبد الرازق وبنت المنتجة ريم العدل شوفتي حفلة التخرج اللي اتعملت عندنا وكان الخريجين منهم ملك وليلي احمد زاهر الحفلة ده كانت ترند تصدرت مواقع التواصل الإجتماعي ليلي وملك عملوا حفلة تخرج فى الأهرامات كانت تحفة غنوا مع بعض كمان تعرفي احنا عندنا المعسكر summer camp فين السنة ده محتارين ما بين ميامي ونيس
و إحنا عندنا رحلة لمدينة تاماريندو فى كوستا ريكا عشان نشوف حديقة بارك ناسيونال مارينولاس باولاس الولاد معجبين بالرحلة عشان المكان هناك متاح في رياضة الغوص لكن لسه مفيش حد اخد قرار في فريق بيشجع الذهاب ل هاواي بيقولوا هناك رياضة ركوب الموجة ممتعة كمان عشان عايزين يشوفوا شلالات مانوا اليونيفورم بتاعنا السنة هيعملوه كارل لاغرفيلد عمل لنا السنة اللي فاتت احنا السنة ده
بتاعنا من تصميم فندي وأخبار الرياضة عندكم ايه عادى فتحوا استاد جوه المدرسة ومحمد صلاح حضر الإفتتاح بيقولوا هينظموا
حاجة شبه كاس العالم كده في البلاي جراوند
وأخبار المصروفات ايه يا ترى الدفع السنة ده هيكون دولار ولأ يورو كانت دولارات السنة اللي فاتت السنة ده فصوص الماس حر من روسيا وشرط يكون من الماس وردي
مدرسين الفرينش بيحضروا كل يوم من فرنسا عشان الولاد يخدوا الحصة ويسافروا فى نفس اليوم مدرسين الفرينش عندنا شاركوا في الحملة الفرنسية بنفسهم تعرفي
بيقدموا ايه للولاد في البريك كافيار ولحم الواغيو
وزعفران احنا بقا بيقدموا الكمأة البيضاء والذهب المأكول والبرجر الذهبي الاكل بيجي سخن بالطيارة من مطعم ديفركسو وديفروتار فى أسبانيا المياه معدنية من هيلدون ناتشورال مينرال أو من زيرمان جبال الالب فى سويسرا
مين عندكم بيدرب الولاد على كورة القدم إحنا عندنا بيب غوارديولا بتاع نادى مانشيستر سيتي الإنجليزي و أنتم عندكم مين إحنا اللي بيدربهم كارلو أنشيلوتي مدرب فريق ريال مدريد الإسباني
البروم عملوه في
Four Seasons Hotel- بتاعنا عملوه في Rixos العلمين اللي اليوم فيه ب ٢٠ الف جنية
= جابولنا عمرو دياب و شيرين واليسا جابولنا شاكيرا و تايلور سويفت
مدرسة الموسيقي
عندنا خريجة معهد كورتيس احنا اللي عندنا خريجة مدرسة جوليارد يا رب يكون مستوي المدرسة حلو خدى بالك انا مش مهمة عندى المظاهر خالص ده أخر حاجة أفكر فيها
طبعا حبيبتي على يدي انتي قاعدة هنا والمظاهر قاعدة بعيدة عنك هناك وانتي على صرخة واحدة أنا بكره المظاهر أنا بكره المظاهر طبعا مصلحتهم اهم حاجة
حال مدارس الانترناشونال في مصر
ونرجع بيكم بقا لأرض الواقع عشان أنا هقوم بقا أعمل سندوتشين فول على طعمية على حتيتين باذنجان مخلل عشان احطهم فى اللانش بوكس لأبني أصلك إيه تصدقوا هتصدقوا الباذنجان أبو خل وتوم وهريس مع سندوتش الفول بيساعدوا على التركيز تاكل من هنا وتاكل رز مع الملائكة من هنا وعلميا ثبت أن الفول والطعمية بتعلي نسبة الذكاء عند الأطفال على طول تلاقيهم يفهموا الدرس بعد عاشر إعادة
