بقلم: ميرفت قاسم
الوجبات السريعة يعني إيه وجبات سريعة يعني بتجري بسرعة اللقمة تجرى ورا اللقمة عايزة تطولها من يوم ما ظهرت الوجبات السريعة ده انتهت لمه الأسرة على مائدة واحدة زمان كان الفطار قبل المدرسة كل واحد ياخد السندوتشات من البيت بعدها بفترة ظهر الكانتين قام بدور سندوتشات البيت خلاص يا جماعة نجتمع على الغدا بابا بيرجع من شغله الساعة أربعة عقبال ما تغيروا هدوم المدرسة هحضر الغدا وناكل كلنا مع بابا قاعدة فيها دفا ومحبة وضحك الأب بيسأل الولاد عن أحوالهم فى المدرسة وعن تفاصيل يومهم الأم حضرت ما لذ وطاب لأسرتها ومتابعة للحديث بين الأب والأبناء بكل حب حالياً يا ولاد بلاش تأخير عشان نتغدي سوا لا يا ماما مش هينفع عندى درس فى السنتر لا يا ماما عندى تدريب في النادى خلاص حبيبتي خدى فلوس وهاتي اى سندوتش برجر أو بيتزا اللي يعجبك ليكي ولأخوكي مش باقي غير وجبة واحدة ممكن نجتمع فيها العشاء لا يا ماما مش قادرة أكل حاجة هنام عشان المدرسة وبصحي بدرى الواجبات السريعة جابت لنا صرع الكل بقا مستعجل مفيش إستقرار كان أحسن حاجة فى البيت المصري اللمه على مائدة واحدة جلسة فيها ونس ومحبة اللي فاكر أن موضة الأكل بالطريقة ده شئ عملي أو بيوفر الوقت عندكم فكرة أن فرنسا من أكتر الدول اللي بيخدوا وقت فى الأكل يعني بيعطوا الطعام حقه تعرفوا أن الأسرة المالكة فى انجلترا ممنوع فيها الوجبات السريعة الفطار مربي وخبز ولبن وجبنه الغدا أسماك ولحوم العشاء مقدس والحضور بالزي الرسمي الستات سواريه والرجال بدل كاملة الإجتماع عندهم على المائدة شئ مقدس والطعام صحي ومطهو فى المنزل وسواء كان المنزل دا بيت أو قصر مش هيفرق المكان لكن المهم المبدأ وبالنسبة للناس المحبة للنوع دا من الأطعمة ممكن يعملوها فى البيت قولي لأولادك تعالوا نعمل بيتزا فى البيت حاولي تعملي أنتي برجر وناجتس فى البيت بأيدك ممكن تعملي اللي بيحبوه ولادك على الأقل أنتي هتكوني وزيرة صحة أطفالك هتجمعي كل الطعام اللي في مواد غذائية مفيدة وهتعمليها ببساطة لأنك هتحافظي على صحة أطفالك أنتي مش جهة غرضها الربح حتي لو على حساب الصحة
اللي يعرف خطر الوجبات السريعة على صحة الإنسان لا يمكن يفكر يتناولها نظراً لوجود الدهون والسكريات بها بنسبة كبيرة مما يؤدي إلى الإصابة بالسمنة وارتفاع الكوليسترول في الدم وأمراض القلب والسكري والتهاب اللثة وتسوس الأسنان كما تحتوي أيضاً على نسبة عالية من الألياف مما يعرض الإنسان إلى الإصابة بالامساك والإنتفاخ وسوء الهضم
وعلى رأى اللي قال
مالي والكنتاكي
ومطاعم الوجبات والتك تاكِ
والماكدونالدز وما يلف لفيفها
وشرائح البرغر مع البج ماك
هذى المطاعم صبغة غربية
تغزو العقول بفكرها وتحاكي
تعطيك من حسن المذاق حلاوة
وتروغ منك بسمها الفتاك
داء إذا نزل البطون أصابها
بالمغص والإسهال والإمساك
والسكري وكل أمراض الكلى
وتضخم الأطراف والأوراك
وإذا أضفت الكوكاكولا بعدها
حكمت على الأمعاء بالإنهاك
تلك السموم إذا اجتمعن على امرئ
ترك الحياة وما له من باك
فالسفن والبيبسي زعاف قاتل
أشر من الدخان والتنباكِ
فعلام نعشقها ونشدو باسمها
يا وجبة الكنتاكي ما أشهاك
يا مدمن الوجبات كن متبصراً
فيها بعين العقل والإدراك
من يستدم أكل الدجاج فإنه
سيبيض آخر عمره ويكاكي
فارحم شبابك وأتعظ فيما مضى
لا تلق نفسك في حمى التهلاك
وأرجع إلى صحن العصيدة تائبا
لا خير في البرجر ولا الكنتاكي اليومين اللي فاتوا شوفت فيديو لترامب اللي ماشى بمبدأ
الغاية تبرر الوسيلة بعد زيارة ترامب ل ماكدونالدز فى محاولة منه لكسب تأييد أكبر من متابعيه ومنافسة خصمه فى السباق الرئاسى حدث شئ لم يكن فى الحسبان هبوط سهم ماكدونالدز
بسبب بكتيريا أصابت شطائر البرجر قتلت شخص وإصابة 46 شخص سواء كان وجود البكتيريا ده فى البرجر بفعل فاعل كنوع من الانتقام من ترامب ل إفساد فرحته بجمعه مؤيدين زيادة بعد تواضعه وعمله فى فرع من فروع ماكدونالدز لمدة يوم وتقديمه البرجر والبطاطس المقلية أو كانت البكتيريا موجودة فعلا فأنا بقول رب ضارة نافعة يمكن دا يخلينا ننسي شوية الوجبات السريعة ونرجع لمه الأسرة على مائدة واحدة
