بقلم/ ميرفت قاسم
سيدنا الشيخ قرر يحرمنا من بركاته ويمنع مصر من حضور مهرجان الريال وقرر يعتمد على الفن الخليجي وماله ياخويا مش عيب العيب أنك تحاول تزايد على اللي علمك يعني إيه فنون وثقافة شوف يا سي الشيخ بتعرف تعد لحد كام وانا اقولك عندنا كام مهرجان خد الكلمتين دول من بنت قاهرية من عاصمة الثقافة والفنون في الشرق الأوسط قبل ما أقولك عندنا مهرجانات إيه عندك فكرة إن أول فيلم كرتون كان مصري يعني اول رسوم متحركه مصرية سنة 1935فيلم مشمش أفندى واللي كتب سيناريو الفيلم كان النادى الملكي للسيارات تعرف أن مصر عندها أقدم وأغلي كمان فى العالم مصنوعة سنة 1714 إحنا أصل الثقافة والفنون جرب تسمع عزف السنباطي على العود ومقطوعة سهران لوحدي أسمع على الحجار أو أسمع عزف أحمد الحجار رحمة الله تعالى عليه أسأل كده يا شيخ العود الموجود عندك منين هتلاقي العود صناعة مصرية من خشب الورد إحنا اللي أبدعنا فى صناعة العود سباعي الأوتار من خشب الورد واللي بلدك قامت باستيراده من عندنا
مهرجان إيه اللي بتتكلم عليه
تعال أقولك يعني إيه مهرجان سينما عالمي أسمه مهرجان القاهرة السينمائى الدولى تعرف بدايته من كام سنة من سنة 1976 دى كانت دورتة الأولي بحضور أعظم النجوم فى تاريخ السينما المصرية كمال الشناوى فريد شوقي رشدى أباظة محسن سرحان سمير صبرى وكمال الملاخ ومن النجوم العالميين كلوديا كاردينالي و راجندرا كومار النجم الهندى بطل فيلم سانجام والمغني اليوناني ديميس روسوس والمخرجين سمير سيف وبركات وقتها اللي قال كلمة الإفتتاح رشدى أباظة قالها بالإنجليزية والفرنسية والإيطالية دا كان عندنا وكان العالم المحيط بنا أغلبه عايش فى الخيم إحنا ولنا الفخر عندنا نماذج مشرفة ورائدة فى تاريخ الثقافة والفنون مثل بسيط السيدة ماجدة واصف الناقدة السينمائية هى أول امرأة مصرية تتولي رئاسة مهرجان القاهرة السينمائي الدولي سنة 2015 ودا كان بعد 39 سنة من بدايته وكانت تشغل منصب مدير قسم السينما في معهد العالم العربي فى باريس وكان لها دور بارز في تأسيس مهرجان الفيلم العربي فى باريس سنة 1984 وهى رائدة مؤسسة نون للثقافة والفنون وأقامت مهرجان الأقصر للسينما المصرية والأوروبية وأصبحت رئيسة المهرجان إحنا أصحاب أفضل 100 فيلم خلال القرن العشرين كان الراحل شكرى سرحان صاحب نصيب الأسد باختيار 11 فيلم قام بدور البطولة فيها بعده فاتن حمامه وسعاد حسني ب 8 افلام وأحمد ذكى ب 6 افلام ونور الشريف وأحمد مظهر والمليجي ب 21 فيلم وأحسن إخراج يوسف شاهين يليه صلاح أبو سيف أما أبرز الأفلام العزيمة الأرض المومياء باب الحديد الحرام شباب امرأه بداية ونهاية غزل البنات صلاح الدين البوسطجي رد قلبي دعاء الكروان اللص والكلاب القاهرة 30 وغيرها من أهم الأفلام فى تاريخ السينما المصرية كمان أول عرض سينمائي كان فى مصر 1896
ولو تحدثنا عن الموسيقى نبتدى الموسيقى فى مصر منذ عصر الفراعنة فى النقوش على المعابد وفى تراتيل الصلاة المصريين عرفوا الناي والمزمار والهارب والقيثارة الصغيرة والعود ذو الرقبة القصيرة يشبه ما يستخدم حاليا وذو الرقبة الطويلة والشخشيخة منذ عصر الدولة القديمة المصريين أيضاً أول من ابتدعوا فرقة المايسترو لقيادة الفرقة بيديه وابتدعوا اليخت والكورال المصريين أول من مارسوا الرقص التعبيري وأول من أعطوا الأسكتلنديين القربة الموسيقية وهم يشتهرون بها الآن وأعطوا اليونان اله الكنارة الموسيقي والغناء جزء أساسي من الثقافة المصرية ووظيفة حياتية حتي إن المؤرخ الصقلي قال إن آلهه مصر القديمه مغرمون بالموسيقى وقال أفلاطون ان الموسيقي فى مصر لها قوانين وهى أرقي موسيقي فى العالم وأن سيدة الموسيقي فى مصر الآلهة حتحور
وحالياً نتذكر رتيبة الحفني سيدة الموسيقى العربية والدها المؤرخ محمود أحمد الحفني كان له فضل كبير في إدخال الموسيقي لمدارسنا كانت جده والدتها مغنية فى أوبرا المانيه درست رتيبة الحفني الموسيقى فى برلين وحصلت على دكتوراه فى الموسيقي 1955 هى أول امرأة تتولي منصب دار الأوبرا ورئاسة المجمع العربي للموسيقي هى من أسست مهرجان الموسيقى العربيه 1992 وساهمت في إنشاء المعهد العالي للفنون الموسيقيه فى دولة الكويت وأنشأت كورال أطفال أوبرا القاهرة وفرقة أم كلثوم للموسيقي العربية هى أول عربية قامت بإخراج سنووايت إخراج غنائي
عندنا مهرجانات إيه تاني مهرجان الإسكندرية للسينما الفرنكوفونية
ومهرجان الأقصر للسينما الأفريقية ومهرجان اسكندرية السينمائي لدول البحر المتوسط ومهرجان الجونة ومهرجان أسوان الدولي لأفلام المرآة لدعم المراه في كافة المجالات ومواجهة ما يقابلها من مشاكل وكيفية التعامل معها ومهرجان اسكندرية للفيلم القصير ومهرجان القاهرة السينمائي الافرواسيوي وده لغرض التبادل الثقافي ومعرفة عادات وتقاليد الشعوب الأخرى ومهرجان القاهرة الدولي لسينما المرأة ومهرجان القومي للسينما المصرية والخاص بالقضايا الوطنية والنماذج المشرفة فى تاريخنا ومهرجان جمعية الفيلم للسينما المصرية ومهرجان القاهرة للسينما الفرنكوفونية للأفلام الناطقة بالفرنسية عندك علم أن
إسكندرية هى أول مدينة شهدت عرض سينمائي في مصر كلها كانت أول دور عرض سينمائي سينما توجراف لوميير فى شارع محطة مصر في اسكندريه فى 30 يناير 1897
تم عرض فيلم ذو القناع من إنتاج شركة مصرية تحت رعاية الأمير عمر طوسون إسكندرية مدينة الثقافة شهدت أول مجلة للسينما أسمها سينجراف أول فيلم ناطق فى العالم مغني الجاز بعد عرضه في نيويورك تم عرضه في اسكندريه بعدها بأربع شهور تعرف أن بورسعيد تالت مدينة بعد القاهرة والإسكندرية عرفت العرض السينمائي وتم افتتاح أول دار عرض سينمائي بها بعد تلات سنوات من أول عرض عرفته باريس تعرف أن أول أوبرا اتعملت فى الوطن العربى كانت دار الأوبرا الخديوية وأن أول أوبرا اتعملت كانت عايدة قصة أوجست ميريت باشا مؤسس المتحف المصري فى التحرير واللي أخد ست شهور فى قراءة وترجمة النصوص المنقوشة على جدران المعبد عشان يقدر يخرج لنا التحفة الفنية الخالدة أوبرا عايدة واللي كانت من تلحين فيردى
إحنا كمان عندنا مسرح الهمبرا أول مسارح العالم اللي شيد سنة 1900 وكانت تقام عليه حفلات لكوكب الشرق أم كلثوم وفريد الأطرش وغيرهم من المع نجوم الفن
دا جزء بسيط من تاريخنا
انا مش هتكلم عن الباقي لأنه اشهر من نار على علم
سيدة الغناء العربي أم كلثوم
موسيقار الأجيال محمد عبد الوهاب
العندليب الأسمر عبد الحليم حافظ
الكروان محمد فوزى عميد المسرح يوسف وهبي أمنية رزق
ذكي طليمات سراج منير القصري إسماعيل ياسين وغيرهم من نجوم الفن من دول أخرى و اللي احتضنتهم مصر ونالوا شهرة تصل للعالمية الشحرورة صباح
فايزة أحمد نور الهدى
فريد الأطرش اسمهان وغيرهم كتير مصر عمرها ما فرقت بينهم وبين أصحاب البلد الأصليين لا حسب الجنسية ولا الديانة الكل اندمج وأصبحوا كيان واحد ده فى مجال السينما والمسرح وفى التأليف
الكاتب الكبير أديب نوبل نجيب محفوظ يوسف ادريس إحسان عبد القدوس يوسف السباعي
توفيق الحكيم طه حسين
وفى الإخراج
يوسف شاهين بركات
صلاح ابو سيف والتمثيل
رشدى اباظة فاتن حمامة ماجدة شادية كمال الشناوى شكرى سرحان كاريوكا والموسيقي
عمار الشريعي عمر خورشيد
عمر خيرت وفى العلوم
زويل وفى الطب مجدى يعقوب ومحمد غنيم
ولا ننسي الموجي الابنودي بليغ حمدى إحنا محتاجين مجلدات عشان لا نغفل حق أحد من هؤلاء المبدعين النماذج اللي تشرف موجودة في كل المجالات
أوعي تفتكر إن شوية المرتزقة اللي بيهرولوا على الريالات هم دول مصر لا دول صفر على الشمال جنب ولاد مصر الحقيقين اللي صعب تعدهم لأنهم بالملايين
وصلت الرسالة فى إنتظار نجاح مهرجان الريال
