بقلم: ميرڤت قاسم
وفاء النيل
عروس النيل هاميس
عادة مصرية قديمة آمن بها المصرى القديم وهى تقديم قربان للنيل عروسة للنيل ليجعله أكثر عطاء
كلمني صديقي وهو مضايق جدا لخلاف مع زوجته بسبب نقاش عن مصروف البيت قالي عندى طلب يا عزيزتي ارجو انك تطرحيه فى كتاباتك اعتقدت أنه عنده فكرة أو قضية محتاجة حل فإذا به بيقولي مراتي زهقتني ليه ميرجعوش عادة رمي عروس النيل بس المرة دة متكونش عروسة بنت تكون متجوزة عشان نخلص من نكد بعض الزوجات كان الحوار بينا تليفونيا قلت له خد بالك مراتك تسمعك ده صاحبتي وهقولها انت كده بتلعب في عداد عمرك ودار الحديث بينا عن وفاء النيل فكرت ارد عليه ازاى دفاعا عن صاحبتي وكل الستات وكان اسرع قصف جبهة قلت له ايه رأيك بدل عروسة للنيل تبقي عريس النيل ابن النيل وكفاية علينا احنا نكون عروسة البحر وعروسة المولد وتقوم انت بدورنا فى وفاء النيل وتغير الاسم من وفاء النيل إلى وفا النيل عشان وفاء اصلا ماتت من زمان
بعيدا عن الكوميديا تعرف ايه يا صديقي عن وفاء النيل
وفاء النيل مش هاميس والاستعراض الجميل اللي شوفته فى فيلم عروس النيل ولأ هو العروسة الخشب اللي كانوا بيرموها بعد كده للنيل
عيد وفاء النيل يوم 25/ 8
من كل عام اما عن كلمة النيل ومصدرها ومعناها فهى
أترو – عا = ترعة وتعنى أصلا النهر العظيم فكلمة ( أترو ) تعنى النهر وكلمة ( عا ) تعنى العظيم
وادى النيل و الإله حابى
قامت الحضارة المصرية القديمة على ضفاف نهر النيل عندما قام المصرى القديم بزرع الأراضي المحيطة بالنهر على جانبيه وقام بتربية الحيوانات واستخدامها للمساعدة في زراعة الأراضي المحيطة بالنهر فأدرك أن أساس الحياة هو نهر النيل و أنه شريان الحياه محاصيل زراعية وحيوانات تحيا على مياة النهر قام بعدها المصرى بتقديس النهر وتقديم القرابين له ليستمر فى عطائه
ومن هنا أقام المصريون عيدا سموه وفاء النيل
النيل المقدس هو الخير فى الزراعة هو وسيلة المواصلات فى التجارة هناك بردية قديمة وهى اقدم بردية
اسمها وادي الجرف أقدم بردية فرعونية
تصور نقل الاحجار بالنيل لبناء الاهرامات
عظمة نهر النيل لم ولن تنتهي فهو شريان الحياة
كل عام وانت بالخير فياض
