خليك إيجابي
بقلم: هدير القصاص
اما بتعمل حاجة صح فى وسط مجتمع فاسد او في مجتمع كل أفكاره
<<هذا ما وجدنا عليه اباءنا و اجدادنا>> طبعا هتلاقيهم بيوقفوك و بيعرقلوك و ضدك و بيحاربوك بكل طاقتهم لأنك عامل زى النور اللى كشف سترهم
فهيحسوا بغل من ناحيتك فهتلاقى خيانه و غدر و إحباط
و للأسف الناس دى بتبقى من دمك غالبا عشان انت مختلف عن القبيله اللى مليانه عقد و زيف
الرسول عليه الصلاة والسلام كان أول محاربيه عمه و الناس اللى منه بس من الناحيه التانيه هتلاقى على الاقل شخص واحد بيساعدك و يساندك و فاهمك و بيشجعك
ده غالبا بيكون صاحب مش من دمك و على نفس المثل الرسول كان عنده صاحبه ابو بكر اللى إيمانه بيه كان بدون حدود
و هنا تفسير عملى لآيه ان مع العسر يسرا فإن مع العسر يسرا و بتكون عسر واحد لان فى اللغة العربية الاسم المتكرر المعرف بيكون واحد إنما الاسم المتكرر النكرة بيكون مقصود بيها اختلاف
فهنا ذكر العسر بأداه تعريف مرتين و ذكر اليسر نكره بدون اداه تعريف مرتين هنا معناه ان العسر واحد بينزل معاه يسرين
العسر او المصيبه انك تكون عندك فكرة اصلاح و بتشتغل على تحقيقها و نشرها او حتى تطوير نفسك أو مشكله حصلت لك و اليسر الاولانى هو الصاحب الوحيد اللى بيساعدك و هتلاقى من جواك حاجة بتقولك كمل انت صح و هتلاقى نفسك قادر على الاستمرار او هتلاقي اليسر ده فى صور كتيرة جدا
إنما اليسر التانى هو تحويل المصيبه لصالحك هتلاقى واحدة واحدة النور بينتشر و الناس بتتقبل مع وجود أعداء النجاح و الناس اللتاته الفاضيه اللى كل شغلها الشاغل الاكل و المرعى و قله الصنعه فبيقعدو يحاربوا فى الناجحين و هتلاقى تقبل ليك او على الاقل سكتوا او مش عارفين يعملو معاك ايه و هتلاقى ناس اقتنعت بيك و بفكرتك و هتلاقيهم بيساعدوك مع انهم كانوا ضدك
خلى بالك محدش هيساندك فى أحلك ظروفك الا قله قليله و قد يكون واحد فقط ربنا مسخرهولك عشان
تكمل و من نفس المثل الإسلام أصبح قوى جدا فى حياه عين الرسول عليه الصلاة والسلام
ولاحظ كده وقت وقوع مصيبه ليك هتلاقى اللى بيهونها عليك و بعد فترة هتلاقى كذا حد بيساندك و بعدها هيتقالك فى وشك انت كنت صح و احنا كلنا غلط و لو اتكلمت فى امثله حياتيه لأشخاص حوالينا مش هيكفينى مجلدات حتى فى مصيبه الموت و المرض و الإصلاح اى حاجة بتتحط فيها تحت ضغط خليك قوى
خليك ايجابى اوعى تيأس ماضاقت الا ما فرجت العراقيل
سبب غير مقبول للفشل دى شماعه بس محدش مرتاح فى حياته
فعل من العبد يقابله فعل من الرب
عليك السعى و ربنا عليه الشكر و النتيجه بص لنفسك
